Luvrda Şok Oğurluq: 9 Zinət Əşyası İtkin Düşdü

Louvre Muzeyində Sensasiyalı Soyğun

Dünyanın ən tanınmış incəsənət məbədlərindən biri olan Fransanın paytaxtı Parisdə yerləşən Louvre Muzeyində səs-küylü oğurluq hadisəsi baş verib. Fransa Mədəniyyət Naziri Rachida Dati gündə təxminən 30 min ziyarətçi qəbul edən bu tarixi məkanda baş verən soyğunu təsdiqləyib. Nazir sosial media hesabından verdiyi açıqlamada, "Hər hansı bir yaralanma barədə məlumat yoxdur. Muzey əməkdaşları və polis qüvvələri ilə birlikdə hadisə yerindəyəm. İstintaq davam edir," deyib.

Maskalı Şəxslər və Qiymətli Zinət Əşyaları

Fransa mediası, bu gün səhər muzeyin açılış saatlarından qısa müddət sonra üç maskalı şəxsin zorla içəri daxil olduğunu və doqquz ədəd zinət əşyasını oğurladığını bildirib. Xəbərdə, şübhəlilərin motosikletlə qaçdığı qeyd olunub. Leonardo da Vinçinin məşhur Mona Liza tablosu da daxil olmaqla 35 mindən çox sənət əsərinə ev sahibliyi edən Louvre Muzeyindən verilən açıqlamada isə "muzeyin fövqəladə səbəblərdən bu gün bağlı qalacağı" bildirilib. Bu hadisə Parisdə böyük rezonans doğurub.

Yeddi Dəqiqəlik Soyğun və Qiyməti Ödənilməz Əşyalar

Fransa Daxili İşlər Naziri Laurent Nunez, bazar günü Parisdəki Louvre Muzeyindən oğurlanan zinət əşyalarının 'ödənilməz' olduğunu açıqlayıb. AFP-nin məlumatına görə, Nazir Fransa xəbər təşkilatlarına verdiyi müsahibədə, üç və ya dörd oğrunun sərgi sahəsində yerləşən "Apollon Qalereyası" (Gallerie d'Apollon) adlı məkandakı iki sərgidən zinət əşyalarını çaldığını və soyğunu cəmi yeddi dəqiqədə tamamladığını vurğulayıb.

24 saat