Sibil Çetinkaya 8 gündür xəstəxanada: Virusun adı bəlli deyil

Fenomen Sibil Çetinkaya ağır günlər keçirir

İki il davam edən münasibətini aktyor Şükrü Özyıldızla yeddi ay əvvəl bitirən fenomen Sibil Çetinkaya hazırda çətin dövr yaşayır. O, sosial media hesabında xəstə yatağında çəkdirdiyi kövrək fotosunu paylaşaraq səkkiz gündür xəstəxanada olduğunu və yüksək hərarətinin davamlı olaraq düşmədiyini açıqlayıb. Bu vəziyyət onun ümumi sağlamlıq vəziyyəti ilə bağlı ciddi narahatlıqlara yol açıb.

Hərarət düşmür, diaqnoz qoyula bilmir

Çetinkaya, yaşadığı dəhşətli anları dilə gətirərək bildirib: “Yenə dəhşətli bir gecə keçirdim, hərarətim düşmür. Belə olmaqdan çox yoruldum”. Onun sözlərinə görə, həkimlər bu vəziyyətə səbəb olan virusun növünü hələ müəyyən edə bilmirlər. Fenomen yediyi hansısa bir qidadan qaynaqlandığını ehtimal etsə də, əsəblərinin gərginlikdən zəiflədiyini qeyd edib. O, artıq qan analizləri üçün damarlarının belə qalmadığını vurğulayıb. Bütün qan testləri hər gün diqqətlə incələnir, lakin problemin mənbəyi tapılmır.

Qorxu və çarəsizlik hissləri

Fenomen yaşadığı bu çətin günlərdə bütün pozitiv enerjisini itirdiyini və yüksək hərarətin insanı tamamilə tükəndirdiyini ifadə edib. Sibil Çetinkaya qeyd edib ki, heç nə yeyə bilmir və hərarətinin enməməsi onu daha da əldən salır. “Bu gün qan xəstəlikləri üzrə mütəxəssis həkim gələcəkmiş. Qorxmağa başladığım üçün beləyəm, üzr istəyirəm bunu sizə də yansıtdığım üçün, amma bu da həyatımın bir parçasıdır”, – deyə o, çəkdiyi əzabları və infeksiya ehtimalı ilə bağlı narahatlığını sosial şəbəkədə izləyiciləri ilə bölüşüb.

24 saat