Hollandiya ilk gey Baş nazirini seçdi

Hollandiya seçkiləri Geert Wilders üçün gözlənilməz zərbə oldu. Ölkədə ifrat sağın aparıcı siması olan Wildersin səs itirməsi mərkəz siyasi qüvvələrinin güc qazanmasına yol açdı. Sağ qanad üçün daha böyük sarsıntı isə seçkilərdə qalib gələn D66 partiyasının lideri Rob Jetten-in baş nazir kürsüsünə oturmağa hazırlaşması idi.

Açıq şəkildə homoseksual olduğunu bildirən 38 yaşlı Jetten ölkənin ilk eşcinsəl baş naziri olacaq. Bu fakt sağçı dairələrdə qəzəblə qarşılanıb.

STABİL HÖKUMƏT FORMALAŞDIRACAQ

Baş nazirliyə hazır olduğunu bildirən Rob Jetten, seçkilərdən sonrakı səhər "Ən böyük partiyanın təşəbbüsü ələ alması lazımdır" deyib.

D66 partiyasının 26 yer qazandığını qeyd edən Jetten, öz partiyasının "Hollandiya tarixi ilə müqayisədə kiçik böyük partiya" olduğunu vurğulayıb. O, bu səbəbdən bir çox partiya ilə əməkdaşlıq etməyin vacibliyini bildirib. Jetten, "geniş siyasi mərkəzdən" ibarət "stabil və iddialı bir nazirlər kabineti" qurmaq arzusunu dilə gətirib.

İLK EŞCİNSƏL BAŞ NAZİR OLACAQ

Jettenin şəxsi həyatı da diqqət mərkəzindədir. O, Argentina milli komandasında zal hokkeyi oynayan Nikolas Santiaqo Kinan (Nicolas Santiago Keenan) ilə nişanlıdır.

28 yaşlı Kinan 2022-ci ildən bəri yeni Baş nazirliyə namizəd Jetten ilə münasibətdədir. Cütlük 2024-cü ildə nişanlanıb və bu ilin sonunda evlənmələri gözlənilir. Rob Jetten-in Baş nazir kürsüsünə əyləşməsi ölkənin sağçıları üçün narahatlıq doğuran bir haldır. Hollandiyada isə eynicinsli evlilik 2001-ci ildən etibarən qanuni olaraq tanınır.

BAŞ NAZİRİN PLANLARI NƏDİR?

Mərkəz sol siyasətçi ölkənin ən ciddi problemlərindən biri olan mənzil böhranını həll etmək üçün on yeni qəsəbə salmağı planlaşdırdığını açıqlayıb.

Wildersin ən mühüm seçki vədlərindən biri olan miqrasiya məsələsinə də toxunan Rob Jetten, inteqrasiya proqramlarına daha çox vəsait ayırmağı və Aİ xaricindən gələn sığınacaq tələblərinə icazə verərək qeyri-qanuni miqrasiya ilə mübarizə aparmağı hədəflədiyini bildirib.

Son həftələrdə, sol və sağ qanaddakı əsas partiyalar PVV ilə hökumət qurmaqdan imtina edərək Wildersin koalisiya yaratmasına mane oldular və bu vəziyyət erkən seçkilərə səbəb oldu.

24 saat