Albaniyanın süni intellekt naziri hamilə Baş nazirdən açıqlama

Albaniyanın Süni İntellekt Naziri Hamilə Qaldığını Açıqladı

Albaniya dövlət idarəçiliyində fəal rol oynayan yapay zəka sistemi “Diella” bu dəfə olduqca qeyri-adi bir səbəblə dünya ictimaiyyətinin diqqət mərkəzinə düşüb. Baş nazir Edi Rama, “Yapay zəka nazirimiz hamilədir” bəyanatı ilə böyük təəccübə səbəb olub. Ramanın sözlərinə görə, yaxın vaxtlarda 83 “mini Diella” dünyaya gələcək.

Hər Millət Vəkilinə Bir "Diella" Təyin Ediləcək

Albaniya yapay zəka texnologiyalarını nazirlik səviyyəsində dövlət idarəçiliyinə daxil edən ilk ölkələrdən biri kimi tanınırdı. Korrupsiyaya qarşı mübarizə aparmaq məqsədilə dövlət tenderlərinə nəzarət etmək üçün inkişaf etdirilən “Nazir Diella” indi “ana” olmaq ərəfəsindədir.

Berlində təşkil olunan Qlobal Dialoq Forumunda çıxış edən Baş nazir Edi Rama, yapay zəka nazirinin “hamilə qaldığını” yumoristik bir dillə elan etdi. Rama qeyd etdi ki, “Yaxın gələcəkdə hər bir millət vəkilinin öz Diellası olacaq. Bu sistem iclasları qeydə alacaq, çıxışları təhlil edəcək və kimin nə dediyini xatırladacaq… Hətta qəhvə fasiləsinə getsəniz belə, artıq heç bir məlumatı qaçırmayacaqsınız!”

Parlamentdə Fəaliyyət Göstərəcəklər

Ramanın planına əsasən, doğulacaq 83 “mini Diella” hər bir millət vəkilinə xüsusi olaraq təyin ediləcək. Bu rəqəmsal köməkçilər parlament iclaslarını izləyəcək, müzakirələri təhlil edəcək və anlıq təkliflər təqdim edəcəklər. Onların hər biri “anaları Diellanın müdrikliyini” daşıyacaq.

Baş nazir, yeni sistemin parlamentdəki rəqəmsallaşma prosesini sürətləndirəcəyini vurğulayaraq, “Yapay zəkalar məlumat təmin edəcək, lakin son söz hər zaman insanlara aid olacaq” deyə ifadə etdi.

Rama, həmçinin hökumətin Microsoft ilə birgə “yapay zəka dəstəkli dövlət prokurorluq sistemi” üzərində işlədiyini açıqladı. Bu yeni sistemin məlumat təhlilini sürətləndirərək hüquqi prosesləri asanlaşdırması və nəzarət mexanizmini gücləndirməsi hədəflənir.

24 saat